Оваа зима, приказната не се чита — се чувствува.

Битола, позната по својата богата историја и културно наследство, во зимските месеци добива посебен шарм преку фестивалот „Зимска приказна“. Овој настан, кој се одржува за време на празничниот период, ја позиционира Битола како една од најатрактивните зимски туристички дестинации во регионот.
Во текот на „Зимска приказна“, Битола е преплавена со посетители од цела Македонија и соседните земји. Широката палета на настани, вклучувајќи базари, концерти, уметнички инсталации и зимски спортови, создава единствена атмосфера која привлекува различни генерации. Главната пешачка улица, Широк Сокак, оживува со празнични светилки, штандови со рачно изработени производи и топли зимски напивки, што го прави градот магнет за туристи.